ජයායු වෙද මැදුර, කීර්තිමත් ආයුර්වේද වෛද්‍ය උරුමයක් ඇති පවුල් පසුබිමක් සහිත වෛද්‍ය සමිතා එදිරිවීර මහත්මිය විසින් 2015 වසරේදී පිහිටුවන ලදී. එදා සිට, දහස් ගණනක් රෝගීන්ට ස්වභාවික ප්‍රතිකාර සහ උපදේශන සේවා එමඟින් සපයා ඇත.
"ජයායු වෙද මැදුර" වෛද්‍ය මධ්‍යස්ථානයේ සර්වාංග රෝග, අංශ භාග, වාත රෝග, චර්ම රෝග, අමිල-පිත්ත, සන්ධි රෝග, අර්ශස්, පීනස්, දියවැඩියාව සහ අක්ෂි රෝග ඇතුළු රෝග රැසක් සඳහා ප්‍රතිකාර කිරීමේ සේවාව පවත්වාගෙන යනු ලබයි.
ආයුර්වේද ප්‍රතිකාර ක්‍රම පිළිබඳ පමණක් නොව, ආයුර්වේද උපදේශනය පිළිබඳව ද ඇය සතු ගැඹුරු දැනුම, ශාරීරික මෙන්ම මානසික සෞඛ්‍ය සඳහා ද උපදේශන සේවා සැපයීමට ප්‍රවේශයක් වී ඇත.
එපමණක් නොව, ආයුර්වේද රූපලාවන්‍ය සේවාවන් පිළිබඳ උනන්දුවක් දක්වන කාන්තාවන් සඳහා එම සේවාවන් ද මෙහිදී ලබාගත හැකිය.
වෙද මැදුර පරිශ්‍රය තුළ, පැරණි ඖෂධ වට්ටෝරුවලට අනුව ඇය විසින් ඖෂධ නිෂ්පාදනය ද සිදු කරනු ලැබේ.